O hen garej wag i weithle a champfa fywiog ar lan harbwr Pwllheli
Newidwyd defnydd y cyn garej wasanaeth ceir hwn yn gym ffitrwydd a chodi pwysau preifat, yn ogystal a swyddfeydd ar y llawr uwch.
Safai’r adeilad gwreiddiol mewn lleoliad blaenllaw ar ymyl harbwr Pwllheli ac yn cefnu ar y rheilffordd, ond roedd mewn cyflwr gwael ac yn ddolur llygad mewn lle mor amlwg. Felly un o’r brif heriau’r prosiect oedd sut i drawsnewid hen adeilad o gymeriad lled-ddiwydiannol fel hwn yn rhywbeth modern a deniadol, oedd yn haeddiannol o’r lleoliad gwych a phwysig yma yn goredrych yr harbwr ac ar ymyl canol y dref.
Ffabrig wedi’i uwchraddio, golygfeydd dros y dŵr, a phresenoldeb newydd gyda’r nos.
Gyda cyllid eithaf tyn, llwydwyd i ail-wampio ac ynysu’r gragen, ail-douo a chladio a chyflwyno ffenestri a ‘curtain wall’ newydd er mwyn caniatau golygfeydd o’r harbwr o’r llawr uwch, a chreu delwedd ac argraff modern ond syml sydd yn adleisio cymeriad lled-ddiwydiannol yr adeilad gwreiddiol ac adeiladau eraill ar hyd yr harbwr.
Ar y llawr gwaelod mae’r prif ofod gym mae paneli o flociau gwydr aneglur yn cyflwyno golau dydd i mewn i’r gofod, ond sydd hefyd yn gwarchod preifatrwydd ar y run pryd, tra yn bywiogi’r stryd drwy daflu goleuni gyda’r nos gan fod hwn yn gym 24awr.
